Property ဆိုတာကတော့ class အတွင်းမှာရှိတဲ့ Variable တစ်ခုဖြစ်ပါတယ်။ Class body အတွင်းမှာရှိတဲ့ variable တိုင်းကို မဆိုလိုပါဘူး။ Property တစ်ခုကို declare လုပ်တဲ့အခါ ပုံမှန် variable တစ်ခုကို declare လုပ်သလိုပါဘဲ ဒါပေမဲ့ သူ့ရဲ့အရှေ့မှာ Accesss Modifier တွေဖြစ်တဲ့ public, protected, private တစ်ခုခုပါရပါလိမ့်မယ်။ Access Modifier တွေအကြောင်းကိုနောက်ပိုင်းမှဆက်လက်တင်ပေးသွားမှာပါ။ အခု public ကိုအသုံးပြုပြီး Property တစ်ခု declare လုပ်ပါမယ်။

class Index
{
public $name= “Maung Maung“;
}

Class တစ်ခုကနေမှ instance Object တစ်ခုထက်မက ရယူအသုံးပြုနိုင်ပါတယ်။ ကျွန်တော်တို့လိုအပ်တဲ့အရေအတွက်တိုင်း object တွေဖန်တီးနိုင်ပါတယ်။ Class တစ်ခုကို Object တစ်ခုအဖြစ်ရယူခြင်းကို instantiate လုပ်တယ်လို့ခေါ်ပါတယ်။ Object လို့ခေါ်သလို instance object လို့လည်း ခေါ်ကြပါတယ်။ ဥပမာလေးတစ်ခုနဲ့ပြောပြချင်ပါတယ်။ Class ကိုစာသင်တန်းတစ်တန်းလို့တွေးကြည့်လိုက်ပါ။ အတန်းတစ်တန်းမှာ ကျောင်းသားပေါင်း၂၀ / ၃၀ လောက်ရှိမယ်စိတ်ကူးကြည့်ပါ။ အတန်းသားတွေဖြစ်တဲ့အတွက် သင်ယူရတဲ့ဘာသာရပ်တွေ အတူတူဘဲဖြစ်မယ်ပေါ့။ မတူတာတော့ရှိတယ် အဲ့ဒါက Roll Number ပါဘဲ။ Roll Number ဟာကျောင်းတွင်းမှာကျောင်းသားရဲ့ Id ဆိုလည်းမှားမယ်မထင်ပါဘူး။
Object ကဘာနဲ့တူသလဲဆိုတော့ ကျောင်းသားနဲ့တူတယ်။ ရိုးရိုးလေးတွေးကြည့်ရအောင် အတန်းထဲမှာသင်ရတဲ့ဘာသာရပ်တိုင်း အတန်းသားအားလုံးအတူတူသင်ခွင့်ရှိတယ် အဲ့လိုဘဲ တူညီတဲ့ Class တစ်ခုကနေ instantiate လုပ်ထားတဲ့ Object တိုင်းဟာ အဲ့ဒီ Class ကအသုံးပြုခွင့်ပေးထားတဲ့ Method တွေ Properties တွေ အတူတူအသုံးပြုခွင့်ရှိပါတယ်။ ကျောင်းသားတွေရဲ့ Roll no မတူသလို Object တွေမှာလည်းသူ့ ID နဲ့သူ ရှိပီးသားပါ။ ကျောင်းသားတစ်ယောက်ဟာ သူစာလုပ်ရင်သူစာရမယ်။ စာမလုပ်ရင်စာမရဘူး။ အခြားကျောင်းသားရဲ့activity နဲ့သူရဲ့ activity ဟာအခြင်းခြင်းဘာအကျိုးသက်ရောက်မှုမှရှိမှာမဟုတ်ပါဘူး။ စာလုပ်တဲ့သူဘဲစာရပါလိမ့်မယ်။ Object တွေလည်း ထိုနည်းလည်းကောင်းပါဘဲဗျာ Class တစ်ခုတည်းကိုဘဲ မှီငြမ်းပီး Object တွေဖြစ်တည်လာတယ်ဆိုပေမဲ့ အချင်းချင်းသက်ရောက်မှုတွေမရှိပါဘူး။

---

ဒီနေရာမှာ Complain တက်ခွင့်ရှိလာပီ ကျောင်းသားတစ်ယောက်က စာရရင် ပြန်ရှင်းပြပေးလို့ရတာဘဲအချင်းချင်းတွေကို အဲ့လိုမေးလာခဲ့ရင်လည်း အဖြေကရှိပီးသားပါ နောက် ကျရှင်းပြပေးမှာပါ။ Strategy Design Pattern ဆိုရင် Run Time မှာObject တစ်ခုကနေ Class တွေချိန်းပြီး Run သွားတာတွေ့ရပါလိမ့်မယ်။ အခုပြောချင်တာက ယေဘူယျ သဘောနဲ့တွေးစေချင်တာပါ။

---

ပုံမှာ Code ရေးပြထားပါတယ် Object ၃ ခု instantiate လုပ်ထားတာတွေ့ရပါလိမ့်မယ်။ Object တွေရဲ့ id ကိုပုံမှန်အားဖြင့်မဖော်ပြပါဘူး။ Debug mode မှာအသုံးပြုတဲ့ PHP builtin function ဖြစ်တဲ့ var_dump( ) ကိုအသုံးပြုပြီးကြည့်နိုင်ပါတယ်။ #1 #2 #3 ဆိုပြီးနံပါတ်သုံးခုတွေ့ရပါလိမ့်မယ်။ # sign ရဲ့နောက်က number ဟာ objectရဲ့id no ဖြစ်ပါတယ်။Object ၃ခုရှိတဲ့အတွက် id ကလည်း ၃ခုရှိရမှာပေါ့။ $firstObj ရဲ့ id ဟာ 1 ဖြစ်တယ်ဆိုတာသဘောပေါက်ရင် 2 နဲ့ 3 ကိုဆက်ရှင်းပြနေစရာလိုမယ်မထင်တော့ပါဘူး။

Kan Hein

Class တစ်ခုကို invoke မလုပ်ဘဲ class တစ်ခုရေးထားရုံနဲ့အလုပ်မပါဘူး။ အလုပ်လုပ်စေချင်တယ်ဆိုရင် new keyword ကိုအသုံးပြုပြီးတော့ invoke လုပ်နိုင်ပါတယ်။ invoke လုပ်တယ်ဆိုတာကတော့အလုပ်လုပ်ဖို့ class ကိုလှမ်းနှိုးလိုက်တယ်လို့ ပြောရမှာပါ။ new keyword သုံးရုံနဲ့ class body ထဲမှာရှိရှိသမျှ instuction တိုင်းကို execute လုပ်မှာမဟုတ်ပါဘူး။ ဥပမာအားဖြင့် Constructer တွေတော့ execute လုပ်မှာပေါ့။ Constructor အကြောင်းကိုနောက် Method အပိုင်းမှာတင်ပေးသွားမှာပါ။ ပြောချင်တာက new keyword ရဲ့အလုပ်ကအိပ်နေတဲ့ Class ကိုအလုပ်သွားဖို့လှမ်းနှိုးတဲ့အဆင့်မှာဘဲရှိပါသေးတယ်။ Class ကိုinvoke လုပ်ပီး variable တစ်ခုထဲကို assign လုပ်လိုက်တဲ့အခါမှာ Variable ဟာ non-Primitive Data ဖြစ်တဲ့ Object ဖြစ်သွားပါတယ်။ Code မှာရေးပြထားတာက $objectOfIndex variable ဟာ Index Class ရဲ့ Object ဖြစ်ပါတယ်။
ဒါကြောင့် $objectOfIndex ဟာ Object Data Type ဖြစ်ပါတယ်။ Object တစ်ခုရရှိလာပါတယ်။ Object Name ကိုပေးတဲ့အခါ သူလည်းပဲ Variable ဖြစ်လို့ alphabet နဲ့စပြီး underscore number တို့နဲ့ တွဲရေးနိုင်ပါတယ်။ Human readable ဖြစ်အောင်ရေးရင်တော့ပိုကောင်းတာပေါ့

Kan Hein